"Qazaqstan Respýblıkasynyń Parlamenti jáne onyń depýtattarynyń mártebesi týraly" konstıtýsııalyq zańǵa jáne "Qazaqstan Respýblıkasy Parlamentiniń komıtetteri men komıssııalary týraly" zańǵa túzetýler engizý arqyly parlamenttik oppozısııa ınstıtýtyn qurý máselesin qarastyratyn jáne onyń qyzmetin reglamentteıtin ózgerister men tolyqtyrýlar jasaldy. Endi Parlament Májilisi turaqty komıtetteriniń bir tóraǵasy men eki hatshysy parlamenttik oppozısııa depýtattary arasynan saılanady", - delingen úndeýde.
Sondaı-aq onda parlamenttik oppozısııa bir sessııa kezinde keminde bir ret parlamenttik tyńdaý ótkizý jóninde bastama kóterý quqyǵyn ıelenetini aıtylǵan.
"Bir sessııa kezinde keminde eki ret úkimet saǵatynyń kún tártibin aıqyndaıtyn bolady. Budan bólek, saıası partııalar fraksııalarynyń jetekshilerine Parlament palatalarynyń birlesken otyrystarynda, Parlament Májilisiniń plenarlyq otyrystarynda, turaqty komıtetterdiń, jumys toptarynyń otyrystarynda, parlamenttik tyńdaýlarda jáne basqa is-sharalarda sóz sóıleýge kepildi quqyq beriledi", dedi Prezıdent.
Eske sala keteıik, búgin Memleket basshysynyń Májilis jáne máslıhat depýtattarynyń saılaýy týraly úndeýi jarııalandy.
